Í gærkvöldi var bifreið stöðvuð í Mosfellsbænum. Ökumaðurinn var grunaður um akstur bifreiðar undir áhrifum fíkniefna eða lyfja. Læknir kom á lögreglustöð og mat ökumanninn óhæfan til aksturs. Í bifreiðinni með ökumanni voru þrjú börn á aldrinum 11 til 12 ára og var Barnavernd kölluð til við afgreiðslu málsins.
Frá þessu er greint í tilkynningu frá lögreglunni á höfuðborgarsvæðinu.
Þar er einnig greint frá nokkrum tilvikum af ofurölvun í gærkvöldi, en í þremur þeirra þurfti að vista aðila í fangageymslu sökum annarlegs ástands.
Eitthvað var um að bifreiðir væru stöðvaðar vegna aksturs undir áhrifum áfengis og/eða fíkniefna en að öðru leyti var nóttin nokkuð róleg og engar tilkynningar um líkamsárásir.