DV greinir frá því að Margrét, dóttir Bjarna Benediktssonar fjármálaráðherra og Ísak Ernir Kristinsson stjórnarformaður Kadeco séu nýtt par og vitnar þar í Facebooksíðu Margrétar. Fréttastofa hefur fengið frétt DV staðfesta og eftir því sem næst verður komist er samband fólksins nýtilkomið.
Kadeco var stofnað 2006 þegar Bandaríkjaher lokaði herstöðinni við Keflavíkurflugvöll en tilgangur félagsins er að leiða þróun og umbreytingu á þeim eignum sem ríkið eignaðist við lokunina. Fyrirtækið er í eigu íslenska ríkisins og heyrir undir fjármálaráðuneytið.
Fjármálaráðherra skipaði Ísak Erni stjórnarformann í Kadeco, þróunarfélags Keflavíkurflugvallar, á síðasta ári. Sú skipan vakti athygli en Ísak Ernir var þá 24 ára nemi í viðskiptafræði. Samkvæmt ársskýrslu Kadeco árið 2017 voru eignir félagsins 7,8 milljarða króna virði og eigið fé 2,7 milljarðar.
Nánar er fjallað um málið á RÚV.