Jafnvel eitt þúsund ritstjórar í Bandaríkjunum birta í dag í blöðum sínum leiðara þar sem þeir spyrna við fótum vegna framgöngu Donalds Trumps, forseta þar vestra, gagnvart fjölmiðlum. Hann hefur verið ómyrkur í garð fjölmiðla og borið á þá allt að landráði.
Á Íslandi eru aðeins tvö dagblöð. Miðað við höfðatöluna, má segja að ef þúsund ritstjórar þar vestra sjái ástæðu til að verja fjölmiðla fyrir endurteknum árásum forsetans, ætti einn að gera það hér á landi. Þeir eru þúsund sinnum fleiri en við.
Davíð Oddsson, ritstjóri Moggans og einn dyggasti stuðningsmaður Dondald Trump, er ekki samstíga ritstjórunum vestra. Hann notar daginn og tilefnið til að taka „trump“ á Ríkisútvarpið í sínum leiðara.
„Stundum er látið eins og að milljarðamokstur ríkisins af fé almennings til Ríkisútvarpsins megi réttlæta með fréttaflutningi þess. Lög skylda þá stofnun til hlutleysis í fréttaflutningi. Hún hefur aldrei tekið mið af þeim lögum og hefur síðustu áratugi lent í ógöngum og úti í mýri. Sá fréttaflutningurinn hefur alla tíð verið með verulegum skoðanahalla. Lengi létu menn hann yfir sig ganga. En á síðustu árum hefur illt gerst miklu verra og við bætist að stofnunin kann ekki að skammast sín. Þess utan er fréttamennskan á óþægilega lágu plani. Sífellt oftar gætir þess að fréttaflutningur þessarar ríkisstofnunar sé borinn fram í æsistíl, eins og ómerkilegasti götubleðill sé á ferðinni. Innlendar fréttir eru þar sem því verður við komið litaðar stjórnmálalegum fordómum. Þess gætir mjög í erlendum fréttum þar sem margir hlustendur eiga eðlilega erfiðara með að átta sig á.“
Davíð þekkir vel aðför gegn fjölmiðlum. Sem forsætisráðherra reyndi hann hvað hann gat að leggja steina í götu Fréttablaðsins. Boðaði það jafnvel ekki til blaðamannafunda. Bjarni Benediktsson, núverandi formaður flokkksins þeirra, á þetta einnig til.
Nánar á
www.midjan.is
