Almenningi býðst ókeypis mælingar á blóðþrýstingi, blóðfitu, blóðsykri, súrefnismettun og fleiri gildum. Það eru SÍBS, Hjartaheill, Samtök lungnasjúklinga og Samtök sykursjúkra sem starfa saman að verkefninu SÍBS Líf og heilsa. Þetta kemur fram í tilkynningu frá SÍBS.
Mælingar hafa farið fram víða um land í samstarfi við heilsueflandi sveitarfélög og heilsugæsluna. Öllum er frjálst að mæta í mælingu hvar sem er, óháð búsetu. Dagskrá næstu mælinga er eftirfarandi:
Laugardaginn 12. janúar í Firðinum Hafnarfirði
Sunnudaginn 13. janúar íþróttahúsinu á Laugarvatni
Sunnudaginn 13. janúar Íþróttamiðstöðinni í Reykholti
Laugardaginn 19. janúar í Hraunseli Hafnarfirði
Laugardaginn 26. janúar Íþróttamiðstöðinni Álftanesi
Laugardaginn 2. febrúar Íþróttamiðstöðinni Ásgarði í Garðabæ
