Fjölskylda í austurborginni fékk óboðinn gest heim með innkaupunum í gær er Kakkalakki fannst í innkaupapoka. Þetta kemur fram í Morgunblaðinu.
Skordýrið hélt til utan á ostapakkningu en ekki er ljóst hvaðan það kom.
Steinar Smári Guðbergsson, meindýraeyðir á höfuðborgarsvæðinu, segir í samtali við Morgunblaðið kakkalakkanum ekki svipa til þeirra sem hafa víða fundist á höfuðborgarsvæðinu að undanförnu. Þeir berast vanalega hingað til lands með fólki sem hefur ferðast erlendis.
„Þessi kakkalakki er stór. En miðað við hvernig hann er í laginu er hann ekki búinn að ná fullorðinsaldri. Hann gæti verið unglingur. Gæti verið amerískur eða jafnvel
suðuramerískur,“ segir Smári í samtali við Morgunblaðið en þeir geti náð töluverðri stærð.
