Í Matarbúri Kaju á Akranesi er að finna mörg leyndarmál þegar kemur að því töfra fram sælkeramat og kræsingar úr lífrænum hágæða hráefnum sem gleðja líkama og sál. Matarbúr Kaju er allt í senn, heildsala, framleiðslustöð, verslun og lífrænt kaffihús sem hefur að geyma margar af þeim bestu kökum og lífrænum kræsingum sem finnast hér á landi.
Karen Jónsdóttir, sem er að öllu jöfnu kölluð Kaja, er konan á bak við þetta allt saman og hennar regla er einföld og skilvirk: „ Allar vörur eru lífrænar, umhverfisvænar og gæðin í hámarki,“ segir Kaja. Sjöfn Þórðar heimsækir Kaju uppá Skaga og fær Kaju til að útbúa einn af sínum uppáhaldsréttum og svipta hulunni af uppskriftinni um leið.
„Einn af mínum uppáhaldsréttum er skelfiskspasta,“ segir Kaja og nefnir jafnframt að það sem geri gæfumuninn að í réttinn noti hún ferskt pasta. Missið ekki af guðdómlegri matarupplifun Sjafnar hjá Kaju í þættinum í kvöld.
Þátturinn Fasteignir & Heimili verður á dagskrá í kvöld klukkan 20.30 og er að jafnan ferskur, fjölbreyttur og með persónulegum blæ.