Frétt dagsins í dag er ekki að það eigi loks að taka skref til afnáms gjaldeyrishafta heldur hitt að staðreyndum málsins hafi verið lekið í DV áður en fjármálaráðherra tókst að kynna málið formlega á ríkisstjórnarfundi. Sú framvinda er stórfrétt. Flott hjá DV að “skúbba” með þessum hætti en alls ekki flott hjá framsóknarmönnum að hafa leyft sér að leka þessum ofurviðkvæmu upplýsingum til málgagnsins sem í þessari viku var fullyrt að sé í þeirra eigu.

Framsóknarmenn eru alveg að losna á límingunum vegna hræðilegrar útreiðar í skoðanakönnunum. Mælast með 8-9% og 5 þingmenn. Því er reynt að brydda upp á einhverju - bara einhverju - til að freista þess að sprengja upp kyrrstöðuna.

Undirritun kjarasamninga SA og VR, LÍV, Eflingar og Starfsgreinasambandsins sl. föstudag er sögulegur viðburður. Aðstæður til að gera stóran samning núna voru vægast sagt erfiðar. En með þrautsegju tókst ábyrgu öflunum á vinnumarkaði að koma samningum í höfn þannig að allir geta vel við unað. Samningurinn mun skila umtalsverðum kjarabótum, lyfta lágmarkslaunum í 300.000 kr. sem hefur verið hávær krafa að undanförnu og það sem mestu varðar fyrir atvinnulífið er að samningurinn er langur, nær til ársloka 2018. Þá tókst aðilum vinnumarkaðarins að berja ríkisstjórnina til hlýðni og fá fram nokkrar tilhliðranir af hálfu stjórnvalda.

Þegar stórmenni falla frá, er oft áhugavert að skoða hverng samferðarmenn fjalla um þau í minningargreinum og átta sig á því hverjir skrifa minningargreinar og hverjir láta það ógert af þeim sem hefði mátt ætla að létu frá sér heyra.

Sjálfstæðisflokkurinn er áttatíu og sex ára í dag.

Náttfari minnist þess þegar Sjálfstæðisflokkurinn var síungur og beinskeyttur í íslenskum stjórnmálum. Sjálfstæðisflokkurinn var þess vegna einu sinni fjölmennasta félag landsins

Fjölmiðlar hafa undanfarna daga velt sér upp úr ógæfu þingmannsins Ásmundar Einars Daðasonar sem varð fyrir því að kasta upp í flugvél WOW-AIR á leið heim frá Ameríku.

Frásögnum af þessum leiðinlega atburði ber ekki saman. Sumum fjölmiðlum finnst skemmtilegast að fullyrða að þingmaðurinn hafi verið sauðdrukkinn, enda bóndi. Sjálfur segist hann hafa verið veikur og á lyfjum og enn aðrar frásagnir ganga út á að hann hafi verið veikur, á lyfjum og drukkið ofan í það með fyrrgreindum afleiðingum.