Fyrrverandi ráðherra, Björt Ólafsdóttir, tilkynnti á samskiptamiðlum nú í dag að hún hefði eignast stóra og stæðilega stúlku ásamt manni sínum, Birgi Viðarssyni.
Fyrir eiga hjónin soninn Garp sem er fæddur 2009 og svo tvíburana Fylki og Foldu sem fædd eru 2015.
Björt segir: „Eftir 41 viku í móðurkviði fannst 19,5 marka valkyrjunni okkar loks komin tími á að láta sjá sig móður sinni til mikils léttis. Allir hraustir og kátir hér og enn à ný svo dolfallin yfir lífsins láni og gjöfum.“
Þá hrósaði Björt ljósmæðrum: „Svo þarf að Guðni forseti að fara að dreifa orðuveitingum út bara strax við útskrift ljósmæðra. Hvernig getur ein stétt verið svona fagleg og vitur? Leiðbeint en á sama tíma hlustað - og treyst konum fyrir að vita sjálfar best? Mættu ýmsir aðrir annars ágætir læra af því.“
