Eins og Hringbraut fjallaði um í gær kom andinn yfir skáldkonuna Ingunni Sigmarsdóttur þegar fregnaðist um gömul samskipti þingmannsins Tómasar Tómassonar við félaga sinn varðandi kynlífsupplifanir hans í Tælandi. Ingunn birti langt frumort kvæði um þingmanninn, sem lesa má í fyrrnefndri frétt Hringbrautar.
Nú hefur Ingunn hins vegar snúið sér að formanninum Ingu Sæland. Hún rifjar upp orð sem um hana voru höfð á Klausturbar eins og frægt er orðið og kemst að lokum að þeirri niðurstöðu að formaðurinn sýni bæði hræsni og meðvirkni með Tómasi nú.
Svona er kvæðið:
Um húrrandi klikkaða kuntu
Á Klausturbar talað var.
En hvað með þó tælenska truntu
Tómas hitti á bar?
.
Ég er jú formaður flokksins
Fólkið virða mig skal.
Þó Tommi sakni ekki smokksins
og sóðalegt gerist hans tal.
.
Jóna og séra Jóna
jafningar teljast seint
og klúður flokksins flóna
er flókið og misvel meint.
.
Illmælgi um flokksins frúna
fordæma skulum við öll.
En tökum því tómlega núna
Þó Tómas gleðji sinn böll.
.
Fátæk og fislétt dama
fjarlægu landi í.
Henni er sjálfsagt sama
þó subbukarl gorti af því.
.
Voru stelpur stykki tómt
er stingandi væri í?
Telst það ennþá fínt og frómt
að fleipra og gorta af því?
.
Eru það bara fínar frúr
sem friðhelgi eiga að njóta?
Og þingmaðurinn tryggur trúr
í trausti þess má hrjóta?
.
Meðvirk er flokksins móðir
mærir hinn gamla mann.
Stuðningsmenn, styrkir, góðir
standa upp og verja hann.
I.V.S.
