Wiillum Þór Þórsson, heilbrigðisráðherra hefur tekið þá ákvörðun að neysluskammtar fíkniefna verði ekki afglæpavæddir. Þetta kemur fram í frétt Fréttablaðsins en Willum leggur frekar til að refsing verði afnumin fyrir veikasta hóp samfélagsins en bara í tilteknum tilvikum og þegar um tiltekið magn fíkniefna ræðir.
Ekki liggur fyrir hverjir nákvæmlega tilheyra þessum viðkvæma hópi og ekki er heldur tilgreint hvaða magn fíkniefna verði leyfilegt.
Willum Þór skipaði starfshóp í mars í kringum tilvonandi frumvarp sitt um afglæpavæðingu í mars en virðist nú hafa slegið allar tillögur um slíkt af borðinu. Hann stefnir þó á að birta frumvarp um breytingar á refsingum fyrir hinn óskilgreinda hóp í vetur.
