Stjórn VR samþykkti á fundi sínum þann 25. febrúar síðastliðinn að boða til leynilegrar atkvæðagreiðslu um verkfall hjá hópbifreiðafyrirtækjum á félagssvæði VR og í gistiþjónustu á höfuðborgarsvæðinu og í Hveragerði. Aðeins starfsmenn fyrirtækja sem verkfallið kemur til með að ná til munu greiða atkvæði um það. Þetta kemur fram í fréttatilkynningu á vef VR.
Í tilkynningunni segir að kjarasamningur VR og Samtaka atvinnulífsins hafi runnið út þann 31. desember 2018 og að nýr kjarasamningur sé ekki í sjónmáli. Atvinnurekendur höfnuðu kröfum félagsins og var deilunni vísað til ríkissáttasemjara þann 21. desember 2018. Þann 21. febrúar, mat félagið það svo að viðræður hefðu reynst árangurslausar, þrátt fyrir milligöngu ríkissáttasemjara. Kröfugerð VR og tilboð SA er að finna á vef VR.
VR efnir því til leynilegrar atkvæðagreiðslu um boðun verkfalls á meðal félagsmanna VR sem starfa hjá hópbifreiðafyrirtækjum á félagssvæði VR og hjá eftirfarandi fyrirtækjum með staðsetningu í Reykjavík, Kópavogi, Hafnarfirði, Garðabæ, Seltjarnarnesi, Mosfellsbæ og Hveragerði:
Fosshótel Reykjavík ehf.
Íslandshótel hf.
Flugleiðahótel ehf.
Cabin ehf.
Hótel Saga ehf.
Miðbæjarhótel/Centerhotels ehf.
Hótel Klettur ehf.
Örkin Veitingar ehf.
Keahótel ehf.
Hótel Frón ehf.
Hótel 1919 ehf.
Hótel Óðinsvé hf.
Hótel Leifur Eiríksson ehf.
Hótel Smári ehf.
Fjörukráin ehf. (Hotel Viking)
Hótel Holt Hausti ehf.
Hótelkeðjan ehf.
CapitalHotels ehf.
Kex Hostel
101 (einn núll einn) hótel ehf.
Kosið verður um að samþykkja eða hafna verkfallsaðgerðum samkvæmt eftirfarandi dagsetningum:
Frá klukkan 00:01 til klukkan 23:59 þann 22. mars 2019 (1 dagur)
Frá klukkan 00:01 þann 28. mars 2019 til klukkan 23:59 þann 29. mars 2019 (2 dagar)
Frá klukkan 00:01 þann 3. apríl 2019 til klukkan 23:59 þann 5. apríl 2019 (3 dagar)
Frá klukkan 00:01 þann 9. apríl 2019 til klukkan 23:59 þann 11. apríl 2019 (3 dagar)
Frá klukkan 00:01 þann 15. apríl 2019 til klukkan 23:59 þann 17. apríl 2019 (3 dagar)
Frá klukkan 00:01 þann 23. apríl 2019 til klukkan 23:59 þann 25. apríl 2019 (3 dagar)
Ótímabundin vinnustöðvun frá klukkan 00:01 þann 1. maí 2019.
