Þeistareykjavirkjun er komin á framkvæmdastig en undirritun samninga um byggingu stöðvarhúss og veitna fór fram í dag. Þar með fer af stað stærsta framkvæmd Landsvirkjunar frá því Búðarhálsstöð var vígð í fyrravor.
Hörður Arnarson forstjóri Landsvirkjunar sagði á blaðamannafundi í dag að undirritunin markaði ánægjulegan áfanga: "Við höfum lagt mikla vinnu í undirbúning Þeistareykjavirkjunar í mörg ár og allan þann tíma lagt áherslu á góða umgengni við umhverfið og sátt við samfélagið," sagði Hörður í dag.
Það er verktakafyrirtækið LNS Saga sem annast byggingu stöðvarhússins og gufuveitna og munu framkvæmdir við hvorutveggja byrja í sumar, en heildarkostnaður verksins sem tekur 2 ár er um 6,6 milljarðar króna. Vonor standa til að virkjunin hefi starfsemi haustið 2017. Þegar mest lætur munu um 200 manns vinna við framkvæmdina.
Fyrsti áfangi Þeistareykjavirkjunar samsvarar 45MW framleiðslu.
