Verslanirnar voru áður reknar undir kennitölu Hórasar ehf. Fréttavefurin mbl.is greinir frá því að þær hafi nú verið færðar yfir á nýtt félag. Samkvæmt vefnum sýnir kvittun úr verslun Viking við Hafnarstræti að þær séu nú reknar undir kennitölu félagins H-fasteignir, sem breytti virðisaukaskattsnúmeri úr leigu atvinnuhúsnæðis yfir í blandaða heildverslun um áramótin. Sigurður Guðmundsson, eigandi Viking, er stjórnarmaður í báðum félögum.
Í frétt mb.isl segir að eftir að innheimtumenn ríkissjóðs hafi stöðvað starfsemi fyrirtækis vegna vanskila á gjöldum geti atvinnurekstur hafist að nýju með tvennum hætti: annars vegar með því að greiða meirihluta gjaldanna og hins vegar að flytja reksturinn yfir á nýja kennitölu.
Samkvæmt upplýsingum frá sýslumanninum á höfuðborgarsvæðinu hefur sjö sinnum verið reynt að gera fjárnám hjá Hórasi ehf. án árangurs. Árin 2011, 2013, 2016 og þrisvar sinnum í fyrra, síðast í september.
