Það urðu snögg umskipti í veðri í nótt. Snjóþekja og éljagangur er á Hellisheiði og Lyngdalsheiði en hálka á Mosfellsheiði og Sandskeiði. Víða um sunnanvert landið er talsvert um snjóþekju, hálkubletti og él.
Um landið vestanvert er víða hálka hálkublettir og éljagangur. Hálka og skafrenningur er á Holtavörðuheiðinni.
Á Vestfjörðum hefur snjóað mikið í nótt á fjallvegum og er Kleifaheiði þungfær með skafrenningi. Hálka og skafrenningur er á Gemlufallsheiði og í Dýrafirði. Snjóþekja með stórhríð er á Mikladal, hálfdáni, Steingrímsfjarðarheiði og Þröskuldum.
Á Norðurlandi er víða hálka í Húnavatnssýslunni og í Skagafirðinum. Snjóþekja og stórhríð er á Öxnadalsheiðinni. Þæfingsfærð er á Vatnsskarði. Snjóþekja og éljagangur er einnig í Langadal. Hálka er í Víkurskarði.
Vegir um Norðurland eystra og Austfirði eru að heita má auðir.
Suðausturströndin er einnig nánast auð en hvasst víða.
