Félagsdómur hafnaði kröfu ríkisins um að ólöglega hafi verið boðað til verkfalla fimm stéttarfélaga innan vébanda BHM og því er því ljóst að hundruð félagsmanna hefja verkfall í fyrramálið. Niðurstaða félagsdóms var kynnt fyrir skemmstu í Héraðsdómi Reykjavíkur.
Fjöldi félaga innan BHM hefur boðað verkföll ýmist ótímabundið eða tímabundið og skella þau fyrstu á á morgun. Samkvæmt upplýsingum á ruv.is fara 108 geislafræðingar í ótímabundið verkfall og gætir áhrifa þess á langflestum sjúkrahúsum landsins. Þá fara 215 lífeindafræðingar fara í ótímabundið verkfall á milli klukkan 8 og 12 á morgun og það hefur áhrif á starf í öllum sjúkrahúsum landsins. Nú er einnig ljóst að 135 ljósmæður á Landspítala hefja ótímabundin verkföll á þriðjudögum, miðvikudögum og fimmtudögum frá og með morgundeginum.
Verkfall lögfræðinga hjá sýslumanninum á höfuðborgarsvæðinu hefjast einnig á morgun. Þá stöðvast allar þinglýsingar. Alls gætu liðlega þrjú þúsund manns lagt niður vinnu á næstu dögum, en næsti samningafundur í deilunni er ekki boðaður fyrr en á miðvikudag.
