Nú klukkan átta í morgun skall verkfall sjúkraliða á Landspítalanum á. Einnig er verkfall hjá Heilbrigðisstofnunum Austurlands og Heilbrigðisstofnun Suðurnesja.
Rúv hefur eftir formanni Sjúkraliðafélags Íslands að það miði í viðræðum en í gær stóð yfir 11 klukkustunda samningafundur fram undir miðnætti.
Verkföllin í dag standa til klukkan 16 og ef ekki semst um verða þau endutekin á sama tíma á morgun og miðvikudag.
Samninganefndir sjúkraliða, lögreglumanna og SFR hitta samninganefnd ríkisins hjá ríkissáttasemjara klukkan eitt í dag.
