\"Heildarútgjöld Íslendinga til heilbrigðismála eru í kringum níu prósent af landsframleiðslu. Það er lægsta hlutfall allra Norðurlanda,\" skrifar Atli Þór Fanndal í nýjasta pistli sínum á Hringbraut sem fjallar um sífellt meiri samdrátt á opinberum framlögum til spítala í landinu.
Hann bendir á að innan landa Efnahags- og framfarastofnunarinnar hafi almenna reglan sú að meðal þróaðra ríkja hafi hlutfall þjóðarframleiðslu til heilbrigðismála hækkað jafnt og þétt. Staðan sé önnur á á Fróni: \"Á Íslandi hefur þróunin verið þveröfug og raunar hefur hlutfallið lækkað,\" skrifar Atli Þór og heldur áfram: \"Árið 2009 voru útgjöld Íslendinga 9.6% af þjóðarframleiðslu en fjórum árum síðar, árið 2012, var það hlutfall komið niður í 9.1%. Hálft prósent virkar ef til vill ekki mikið við fyrstu sýn en þegar kemur að heilbrigðisútgjöldum telur hvert prómill rúmlega hundrað og fimmtíu milljónir króna. Sé það svo sett í samhengi við útgjöld ársins 2003 sem námu 10.4% af landsframleiðslu birtist okkur myndin af viðvarandi aðhaldi í heilbrigðismálum,\" segir hann og bendir á að kjaradeilu lækna eigi sér uppruna í langvarandi þreytu heilbrigðisstarfsmanna á aðhaldsaðgerðum og kröfum yfirvalda á sparnaði sem leitt hefur til aukins álags, eldri tækjabúnaðar og atgervisflótta.
Atli fagnar viljafyrirl´syingu þriggja ráðherra ríkisstjórnarimnnar frá því nýverið um aukið fjárstreymi í opinbera heilbrigðisþjónustu og áform þar að auki um nýjan þjóðarspítala, en ef þjóðin ætli að verða á pari við þau lönd sem hún ber sig oft og einatt við verði heldur betur að spýta í lífana: \"Framlög til heilbrigðismála eru hæst í Danmörku af Norðurlöndunum en Finnland og Noregur eru hvað næst okkur. Sé ætlunin að Íslendingar fjármagni heilbrigðiskerfið með dönsku hlutfalli af landsframleiðslu er hér um að ræða loforð upp á 34 milljarða, ár hvert, miðað við verðlag ársins 2012. Í samanburði við Noreg er viðbótin tíu milljarðar á ári,\" reiknar Atli út og segir þá að minnsta kosti 50 milljarða kostnað við nýjan spítalka vera ónefndan.
