\"Það liðu varla klukku­tím­ar frá því að þetta kom upp að fyrstu fyr­ir­tæk­in hættu að selja vör­un­ar,“ seg­ir Jón Ólafs­son, stjórn­ar­formaður og stofn­andi Icelandic Water Hold­ings hf. um tillögu borgarstjórnar um að sniðganga vörur frá Ísrael.

Svo sem fram kom í gær hefur Dag­ur B. Eggerts­son, borgarstjóri til­kynnt að til­lög­unni verði breytt þannig að hún nái aðeins til varn­ings sem er fram­leidd­ur á svæðum sem her­num­in hafa veerið af Ísraelsmönnum.

Jón seg­ir í samtali við mbl.is að málið eigi eft­ir að hafa gíf­ur­leg áhrif á fyr­ir­tæki í út­flutn­ingi og að Reykja­vík­ur­borg verði að falla frá til­lög­unni sem fyrst, ekki dugi að breyta henni þannig að hún nái aðeins til þeirra vara sem fram­leidd­ar eru á her­numd­um svæðum: \"Borg­in verður að falla frá þessu, það er það eina sem get­ur bjargað, ann­ars er þetta skaði upp á millj­arða fyr­ir fyr­ir­tæk­in.“

Hann seg­ir ákvörðun borg­ar­stjórn­ar gíf­ur­lega van­hugsaða og spyr sig hvort borg­ar­stjórn hafi yfir höfuð heim­ild til þess að taka ákv­arðanir sem þessa þar sem hún hafi ekk­ert með ut­an­rík­is­stefnu lands­ins að gera: \"Ég tel að ef þetta held­ur svona áfram mun­um við al­gjör­lega missa markaðinn í New York og svo víðar seinna. New York-borg er næst­um al­gjör­lega stjórnað af gyðing­um þegar kem­ur af þeim versl­un­um sem selja vatnið frá  okk­ur,“ seg­ir Jón við vefinn..

Hann legg­ur áherslu á að draga verði til­lög­una al­gjör­lega til baka þar sem það muni hafa lít­il áhrif að breyta henni að hluta: \"Ef fyr­ir­tæk­in verða fyr­ir skaða af völd­um þessa er spurn­ing hvort borg­in sé ekki orðin skaðabóta­skyld.“ Hann seg­ir Ísland aldrei hafa verið þekkt fyr­ir að beita hót­un­um eða mis­valdi og því sé ekki rétt af borg­inni að taka upp á því núna, að því er fram kemur í frétt mbl.is um málið.

Þá bend­ir Jón á að þessi ákvörðun borg­ar­inn­ar hafi afar víðtæk áhrif bæði á ímynd lands­ins og aðra þætti eins og at­vinnu­ör­yggi. „Ef til­lag­an verður ekki dreg­in til baka mun fram­leiðslan hjá okk­ur og öðrum minnka veru­lega og það þýðir að fólk mun missa vinn­una. Ég er viss um að íbú­ar Reykja­vík­ur­borg­ar voru ekki að kjósa þessa stjórn til þessi að hafa þessi áhrif á efna­hags­lífið og at­vinnu­ástandið á Íslandi.“

• Til baka
• Blogga um frétt
• Deila
• Senda
• Prenta