Vel rösklega árs bið eftir afplánun

Á ár­inu 2012 liðu að meðaltali 350 dag­ar frá því að dóm­ur var upp kveðinn þar til afplán­un í fang­elsi hófst. Árið eft­ir liðu að meðaltali 367 dag­ar og árið 2014 var meðaltalið komið upp í 383 daga.

Þetta kemur fram í svari Ólaf­ar Nor­dal inn­an­rík­is­ráðherra við fyr­ir­spurn Páls Vals Björns­sonar þing­manns Bjartr­ar framtíðar um tímalengd frá dómi til fullnustu hans í fangelsi.

Í svarinu segir einnig að á ár­inu 2012 hafi að meðaltali liðið 521 dag­ur frá því að dóm­ur var upp kveðinn þar til sam­fé­lagsþjón­usta hófst. Árið 2013 var meðaltalið 537 dag­ar og í fyrra var meðaltalið 575 dag­ar.

Þingmaður­inn vildi einnig fá að vita hversu marg­ir fang­ar glími við áfeng­is- eða fíkni­efna­vanda. Í svari ráðherrans er vitn­að til nýrr­ar óbirtr­ar rann­sókn­ar þar sem fram kemur að tæp­lega 60% fanga eiga við vímu­efna­vanda að glíma.

Árið 2012 var fjöldi afplán­un­ar- og gæslu­v­arðhalds­fanga hér á landi alls 148. Árið 2013 voru þeir 154 tals­ins en fækkaði um tvo árið 2014 og voru þá 152.