Vakthafandi veðurfræðingur telur að það fari að hlýna þegar líður á vikuna. Þá er einnig búist við vætu syðra eftir langa þurrkatíð á þeim slóðum.
Í yfirliti Vegagerðarinnar um ástand vega segir að þeir séu yfirleitt greiðfærir á Suðurnesjum. Á Vesturlandi eru vegir að mestu greiðfærir sunnantil en meira um hálkubletti er norðar dregur. Snjóþekja er á Vatnaleið og þæfingsfærð á Útnesvegi. Ófært er á Fróðárheiði en unnið að hreinsun.
Það er víða hálka, hálkublettir eða snjóþekja á Vestfjörðum en þæfingsfærð á Þröskuldum. Vegir eru nánast auðir í Húnavatnssýslu en hálka er á Þverárfjalli og hálkublettir í Skagafirði. Þæfingsfærð er á Öxnadalsheiði en unnið er að hreinsun. Á Norðausturlandi er hálka eða snjóþekja á vegum
Hálka og snjóþekja er víða á Austurlandi og einhver éljagangur. Það eru hálkublettir á köflum með suðausturströndinni.
