Vaxandi ferðaþjónusta eykur vændi

Helgi Gunn­laugs­son, af­brota­fræðing­ur og pró­fess­or í fé­lags­fræði við HÍ, tel­ur að auk­inn straum­ur ferðamanna geti leitt til auk­inn­ar eft­ir­spurn­ar eft­ir kyn­lífsþjón­ustu og fíkni­efn­um.

Mæl­ing­ar á kyn­lífs­hegðan sýna að ef fólk kaup­ir vænd­isþjón­ustu, þá er al­gengt að það geri það í ferðalög­um, þegar það er fjarri heim­kynn­um sín­um, að því er fram kem­ur í um­fjöll­un um þetta mál í Morg­un­blaðinu í dag.

Eins og Hringbraut greindi frá í gærdag hafa á ann­an tug man­sals­mála verið í rann­sókn hjá lög­regl­unni á höfuðborg­ar­svæðinu frá því í apríl í vor. Mál­in teygja sig til allra heims­álfa og tengj­ast ým­ist kyn­lífsþrælk­un, nauðung­ar­vinnu eða mála­mynda­hjóna­bönd­um.

Alda Hrönn Jó­hanns­dótt­ir, aðstoðarlög­reglu­stjóri lög­regl­unn­ar á höfuðborg­ar­svæðinu, staðfest­i þetta og fullyrti jafnframt að konur og ungmenni hafi verið flutt til lands­ins frá Aust­ur-Evr­ópu, Kína og Níg­er­íu.

Í Morgunblaðinu í fyrradag er sagt frá því að Des­er­et News, fjöl­miðill í Utah í Banda­ríkj­un­um, hafi eft­ir Öldu að kon­ur og börn séu flutt til lands­ins frá Aust­ur-Evr­ópu, Kína og Níg­er­íu og að auk­inn ferðamanna­straum­ur hafi leitt til vaxt­ar í kyn­lífs­ferðamennsku og vændi á Íslandi.

Spurð um aukna kyn­lífs­ferðamennsku seg­ir Alda við blaðið að Ísland sé ekki ey­land úti í heimi þar sem ekk­ert ger­ist: \"Ísland er hluti af heim­in­um og það sem er að ger­ast í heim­in­um er líka að ger­ast á Íslandi. Það er alltaf þannig. Þar sem er auk­in ferðamennska fylg­ir auk­inn kyn­líf­stúrismi,“ seg­ir Alda.

Hún seg­ir að eng­in töl­fræði liggi fyr­ir um hversu al­gengt man­sal sé. Þó sé um aukn­ingu að ræða: \"Við erum að fá til­kynn­ing­ar um vændi. Það er t.d. stundað vændi á hót­el­um og í airbnb-íbúðum,“ seg­ir Alda í blaðinu og bæt­ir við að vitað sé um dæmi um að er­lend­ir ferðamenn komi til lands­ins til að taka þátt í kyn­lífs­ferðamennsku.