Kristján Möller Samfylkingunni hefur lagt fram fyrirspurn til Bjarna Benediktssonar vegna sölunnar á Reitum. Kristján spyr meðal annars hver markmiðin með sölunni á eignarhlut ríkissjóðs í Reitum fasteignafélagi hf. voru önnur en að fá sem hagstæðast verð.
Kristján vill vita hverjir voru ráðgjafar ríkisins við söluna og hvað fengu þeir langan frest til undirbúnings og hvort sölufyrirkomulagið í samræmi við ráðgjöfina. Þá vill Kristján fá að vita hverjir keyptu.
Kristján spyr einnig hvort ráðherrann telji að stutt söluferli sem þetta, yfir helgi þegar markaðir eru lokaðir, sé hagfellt ríkissjóði þar sem bréfin voru auglýst eftir lokun markaða 19. ágúst sl. og tilboðsfrestur rann út kl. 8:30 mánudaginn 22. ágúst.
Spurningar Kristjáns eru margar, en þeirra er hver sé stefna ráðherra í því að veita almenningi kost á að eignast hlutabréf í eigu ríkisins og hvort salan á Reitum sé í samræmi við stefnu hans.
Bjarni mun svara skriflega.
