Gylfi Zoega, prófessor í hagfræði, fjallar ítarlega í nýrri skýrslu um stöðu efnahagsmála og segir hugsanlegt að hagræðing í bankakerfinu gæti stuðlað að betri kjörum til neytenda.
Kjarninn greinir frá. Þar stendur:
„Íslenskt bankakerfi virðist vera dýrara í rekstri en sambærilegir bankar annars staðar á Norðurlöndum. Þannig er vaxtamunur – munur vaxta á innlánum og útlánum – meiri hér á landi. Fyllsta ástæða er til þess að leggja í rannsókn á þeim kjörum sem almenningur fær í viðskiptabönkum hér á landi, bæði vöxtum og þjónustugjöldum, og bera saman við sambærileg kjör annars staðar á Norðurlöndum.“
Vitnað er í skýrslu Gylfa Zoega, prófessors í hagfræði og nefndarmanns í peningastefnunefnd Seðlabanka Íslands, fyrir stjórnvöld. Í skýrslunni fjallar hann um stöðu efnahagsmála, forsendurnar sem fyrir hendi eru í tengslum við kjaraviðræður og ýmis álitamál er tengjast þeirri stöðu sem uppi er komin. Þar stendur meðal annars:
„Hraður vöxtur ferðaþjónustu hefur með áhrifum sínum á gengi krónunnar skert samkeppnisfærni annarra útflutningsgreina. Líklegt er að til lengri tíma litið muni framleiðnivöxtur og batnandi lífskjör byggjast á nýsköpun í öðrum greinum en ferðaþjónustu sem krefjast ýmiss konar iðn- og verkmenntunar og fjölbreyttrar háskólamenntunar.“
Einnig kemur fram í skýrslu Gylfa þetta og Rúv segir frá: Fyllsta ástæða er til þess að leggja í rannsókn á þeim kjörum sem almenningur fær í viðskiptabönkum hér á landi, bæði vöxtum og þjónustugjöldum og bera saman við sambærileg kjör annars staðar á Norðurlöndum.
Sjá frétt á Kjarninn.is
Skýrslu Gylfa var unnin fyrir forsætisráðuneytið og nefnist Staða efnahagsmála í aðdraganda kjarasamninga má lesa hér.
