Forstjóri Kauphallarinnar á Íslandi segir það vera heilbrigðismerki um íslenskt viðpskiptalíf að umræða fari fram um það hvort bjóða eigi út forkaupsrétt að hlutabréfum í fyrirtækjum hér á landi.
Tilefnið er er sala á hlutum Arion banka í Símanum sem aðgengilegir voru útvöldum áður en almennir kaupendur gátu boðið í þá. Mjög hefur verið deilt þennan gjörning, jafnt innan þings sem utan, en á fyrrnefnda staðnum hefur hann verið nefndur verstu nöfnum, svo sem að spilavíti kapítalismans væri aftur komið á kreik eða að dauninn af bankaskítalykt væri aftur farið að leggja yfir landið.
Hann bætir við í sömu frétt: \"Við í Kauphöllinni teljum að fyrirtæki ættu eftir megni að reyna að koma inn á markaðinn og selja hlutafé með því að nýta markaðinn og útboðin í sem mestum mæli nema það séu sérstakar aðstæður,\" segir Páll, en telur fyrrnefndan gjörning þetta ekki veikja skráningu Símans á markað: \"Það held ég nú ekki. Ég held að það sé heilbrigðismerki að við sjáum umræðu um fyrirkomulag útboða. Það gæti einfaldlega bara á endanum styrkt markaðinn.“
