Tyrkneski hakkarahópurinn Anka Neferler Tim hefur tilkynnt að þeir beri ábyrgð tölvuárásum á vefsíðu Isavia í dag, samkvæmt tyrkneska fjölmiðlinum Yeni akit. Segir hakkarahópurinn að árásirnar séu vegna móttökunnar sem tyrkneska landsliðið fékk við komu sína til Íslands.
Þetta kemur fram á vefsíðu tyrkneska fréttamiðilins Yeni akit en RÚV greindi fyrst frá íslenskra miðla. Sagt er í grein Yeni akit að leikmenn tyrkneska landsliðsins hafi þurft að bíða í um þrjár klukkustundir á Keflavíkurflugvelli. Samkvæmt Guðjóni Helgasyni, upplýsingafulltrúi Isavia, er það ekki rétt og tók það landsliðið um 80 mínútur að fara í gegnum vegabréfaskoðun og öryggisleit.
Hópurinn hefur sagt í yfirlýsingu að þeir munu halda áfram árásum á vef Isavia og jafnvel fleiri íslenskar heimasíður vegna málsins.
