Tveir menn voru handteknir í aðgerðum lögreglunnar í fjölbýlishúsi í Vallakór 6a í Kópavogi í morgun. Tilkynnt hafði verið um mann vopnaðan skotvopni í íbúð í húsinu fyrr í morgun. DV.is greinir frá.
Töluverður viðbúnaður var á vettvangi og voru mennirnir tveir handteknir af sérsveit ríkislögreglustjóra. Þóra Jónsdóttir, varðstjóri á lögreglustöðinni í Kópavogi sagði í samtali við DV að hinn vopnaði hafi ekki beitt skotvopninu.
„Rannsókn málsins er á frumstigi og ekki er hægt að veita frekari upplýsingar að svo stöddu,“ segir í tilkynningu frá lögreglunni.
