Tveir einstaklingar voru í dag úrskurðaðir í gæsluvarðhald til næsta fimmtudags vegna gruns um aðild að manndrápi.
Þetta kom fram í tilkynningu frá lögreglunni í kvöld. Mbl.is greindi fyrst frá málinu í kvöld.
Lögreglan fékk tilkynningu um látinn einstakling í gær og var talið að andlátið hafi borið að með saknæmum hætti.
Um var að ræða konu á sextugsaldri sem fannst látin þegar lögregluna bar að garði. Í kjölfarið voru tveir karlmenn á fimmtugsaldri handteknir í þágu rannsóknarinnar.
Í tilkynningu lögreglunnar kemur fram að rannsóknin beinist að því hvort að mennirnir hafi átt þátt að andláti konunnar.
