Vilhjálmur Birgisson, formaður Verkalýðsfélags Akraness segir á Bryggjunni að hluti vandans í sjómannaverkfallinu sé að það sé ekki traust á milli sjómanna og útgerða og nefnir að útgerðir selji aflann á undirverði til sinna eigin fiskverkunar. Hauk Þór Hauksson frá Samtökum fyrirtækja í sjávarútvegi segir opinberar eftirlitstofnanir þar til bærar að meta hvort allt fari ekki eðlilega fram og farið sé eftir fyrirframgefnu módeli um verðlagninu á fiski og að því komi líka sjómenn.
Linda ræddi við Vilhjálm og Hauk og spurði út í það sem oft er nefnt í deilunni, eins og nýsmíðaákvæði og olíuverðsviðmið.Hhvað er það sem verið er að tala um í þessari langvinnu deilu? En kjarakerfi sjómanna er eins og flestir vita ekki fastlaunakerfi hlutaskiptakerfi. Launin geta því sveiflast til eftir aðstæðum. Of mikið, segir Vilhjálmur.
Einnig þetta í kvöld: Eru mikilvægir markaðir erlendis að tapast? Hallveig Ólafsdóttir er hagfræðingur SFS, Samtaka fyrirtækja í sjávarútvegi sest hjá Sölva í þættinum og ræðir um þessa hlið mála. Hallveit segir þetta sé stærsta tjónið í verkfallinu, það er að segja, tapið á erlendum mörkuðum vegna skorts á ferskum fiski frá Íslandi.
Fyrrverandi sjómenn og aðrir mætir karlar hittast hvern morgun á Kaffivagninum á Granda. Linda hitti þá þar sem þeir skröfuðu saman og spurði þá útí verkfallið. Þeir liggja ekki á skoðunum sínum.
