Hátíðarhöld um verslunarmannahelgina verða víða með breyttu sniði í ár vegna heimsfaraldurs en 500 manna fjöldatakmark verður við lýði fram á frídag verslunarmanna.
Svo virðist sem skipuleggjendur á Egilsstöðum ætli ekki að láta það á sig fá og auglýsa nú grimmt röð tónleika um verslunarmannahelgina.
Dagskráin hefur holtið nokkra athylgi á samfélagsmiðlum en mögulega af öðrum ástæðum en skipuleggjendur hefðu vonað.
Á Twitter vekja þó nokkrir máls á því að ekki ein kona muni stíga á stokk á Egilsstöðum um verslunarmannahelgina. Ber kynningarefni fyrir tónleikaröðina þess sterk merki.
flottir strákarnir
— bebbi 💅🏻 (@Bergrun) July 21, 2020
nei samt hvernig gerist þetta bara aftur og aftur og aftur? pic.twitter.com/Ei92dKmqbB
Bergrún er meðal þeirra sem bendir á þetta og fær mikil viðbrögð við færslu sinni. Eru margir á því máli að það stingi hvað verst að þetta sé langt því frá í fyrsta skipti sem slíkur kynjahalli er áberandi á álíka tónlistarhátíðum.
Það er í raun ekki til nein gild afsökun fyrir því að halda tónlistarhátíð þar sem vantar alfarið artista sem ekki eru karlkyns árið 2020. Ef þú gleymir að helmingur+ mannkyns sé til og geti gefið frá sér tónlist ertu einhverskonar glataður forréttindaplebbi, sökks tú bí jú!
— Sunna Ben (@SunnaBen) July 21, 2020
