Tíu tonna þungu sprengjuflikki var í gær varpað á jarðhýsi vígamanna í Hvítufjöllum í norðaustur Afghanistan.
Þarna voru að verki sérsveitarliðsmenn bandaríska landhersins en þeim eru fengin verk af þessu tagi.
Fréttastofur í Bandaríkjunum lýsa þessu sprengjuflikki í smáatriðum og af þeim lýsingum að dæma er þetta sprenguflikki nánast gereyðingarvopn.
Frá Afghanistan berast þau tíðindi að mannfall í liði vígamanna hafi verið nokkuð mikið. Þessi eina sprengja hefur þó tæpast snúið við vígstöðunni vígamönnum í óhag. Reyndar er staðhæft núna að enginn hafi fallið í árásinni.
Sérfræðingar gæla við þá hugmynd að þessi aðgerð Bandarikjanna sé hugsuð sem skilaboð til ráðamanna í Norður-Kóreu.
Fyrr í dag mátti skilja fréttaflutning í Kína á þann veg að allar líkur séu á árás Bandarikjanna á þau jarðhýsi og þá kjallara í Norður-Kóreu þar sem eldflaugar og gereyðingarvopn herafla Norður-Kóreu eru sögð geymd.
Bandaríska sprengjuflikkið sé vopn af því tagi sem vel sé brúklegt gegn öllum neðanjarðageymslum Norður-Kóreumann.
Fréttastofur í Asíu telja nánast víst að árásir Bandarikjanna á skotmörk í Norður-Kóreu séu á næsta leiti og jafnvel innan fárra daga. Árásin á skotmarkið í Hvítufjöllum hafí verið einskonar forsmekkur af því sem koma skal.
Nánar www.mbl.is www.ruv.is www.bbc.com
