Þróun í alþjóðamálum víða um heim gefur íslenskum stjórnvöldum tilefni til að skerpa á stefnu sinni í utanríkismálum og hvetja til þess að Vesturlönd standi þéttar saman um grundvallargildi sín.
Þetta segir í niðurlagi inngangs að skýrslu ráðherrans.
Í skýrslunni er drepið a nokkra þætti í utanríkisstefnunni og umfjöllun skýrslunnar er á köflum ítarlega um fjölmörg málasvið sem utanríkisráðuneytið og utanríkisþjónustan vinna að hér heima og erlendis.
Reglulega hefur farið fram endurskoðun á meðferð utanríkismála. Síðast var það gert árið 1998 í ráðherratíð Halldórs Ásgrímssonar.
Stefnuyfirlýsing ríkisstjórnarinnar kveður skýrt á um grunnstoðir utanríkisstefnu Íslands. Eins og áður eru þær hinar sömu og verið hefur frá því Ísland tók utanríkismál lýðveldisins í sínar hendur fyrir 73 árum.Engar kollsteypur eru því boðaðar í þessari skýrslu.
Í skýrslunni er að finna greinargóðar frásagnir um viðfangsefni utanríkisráðuneytisins og hagsmunavörslu utanríkisþjónustunnar. Þessi viðfangsefni eru kunn og taka ekki breytingum því frekar er um að ræða breytingar á áherslum ríkisstjórna en ekki á viðfangsefnum.
Ef að líkum lætur kann þessi vinna að leiða til tillögugerðar um starfsmannamál ráðuneytisins og þjónustunnar. Heimildarmenn Hringbrautar innan stjórnarráðsins telja það þó ólíklegt.
Einnig kann ráðherrann að óska eftir stjórnsýsluúttekt Ríkisendurskoðunar þegar ráðuneytið hefur lokið sinni endurskoðun. Sömu heimildarmenn telja það einnig ólíklegt.
Þeir bæta við að ekkert tilefni sé til þess að skerpa á utanríkisstefnunni. Undir þetta tóku þingmenn sem Hringbraut ræddi við.
Nánar www.althingi.is
