Þýddi gríðarlegar tafir í leifsstöð

Skoða þyrfti vega­bréf um 26 þúsund manna á hverj­um degi, ef tekið yrði upp vega­bréfa­eft­ir­lit í Leifs­stöð að hætti Þýska­lands og fleiri Evr­ópu­ríkja. Það mundi leiða til mik­illa tafa á um­ferð um flug­stöðina.

Þetta kemur fram í Morgunblaðinu í dag, en þar segir nú um stundir séu skoðuð um fjögur þúsund vega­bréf á dag. Ef skipt yrði um gír í þessum efnum yrði að fjölga mjög í starfsliði. Eng­in fyr­ir­mæli um slíkt hafa þó borist embætti lög­reglu­stjór­ans á Suður­nesj­um frá inn­an­rík­is­ráðuneyt­inu.

\"Það er eng­ar ákveðnar vís­bend­ing­ar um þörf á slíku hér á landi. Ekk­ert sem mín­ir menn hafa greint enn sem komið er kall­ar á slík­ar brýn­ar aðgerðir fyr­ir­vara­laust,“ seg­ir Ólaf­ur Helgi Kjart­ans­son lög­reglu­stjóri í um­fjöll­un um mál þetta í Morg­un­blaðinu í dag.