Þungfært er innan bæjar á Akureyri en snjó kyngdi niður í bænum í nótt.
Mbl.is segir að samkvæmt upplýsingum frá lögreglu sé nýbyrjað að ryðja aðalleiðir en strætisvagnar bæjarins byrji að öllum líkindum ekki að ganga fyrr en kl. 7.30 eða 8.
Lögregla brýnir fyrir fólki að huga að því áður en lagt er af stað að það komist leiða sinna á ökutækjum sínum. Þungfært er og þæfingur á vegum umhverfis bæinn en einhver moksturstæki komin af stað.
Fólki sem ætlar eitthvað lengra þennan morgun er bent á að fylgjast vel með ástandinu á vef Vegagerðarinnar.
