Þrír leikmenn íslenska karlalandsliðsins í handbolta eru komnir í sóttkví, þeir Björgvin Páll Gústavsson, Elvar Örn Jónsson og Ólafur Andrés Guðmundsson.
Að sögn HSÍ greindust þeir við hefðbundið hraðpróf í morgun en fóru svo í PCR sýnatöku hjá mótshöldurum sem staðfesti niðurstöðu.
„Við greiningu sýna komu í ljós 3 jákvæð sýni og eru viðkomandi leikmenn komnir í einangrun en með mjög lítil einkenni,“ segir í yfirlýsingu frá HSÍ.
Að sögn HSÍ verður ekki kallað á nýja leikmenn í leikmannahópinn að sinni og verða nánari upplýsingar gefnar á morgun.
Ljóst er að um gríðarlegan skell er að ræða fyrir íslenska liðið sem mætir heimsmeisturum Danmerkur í fyrsta leik milliriðlakeppninnar annað kvöld klukkan 19:30.
