Vísir sem greindi fyrst frá málinu. Þorgrímur hefur ekki rætt framboðið við neinn nema eiginkonu sína en segir þetta lengi hafa blundað í sér,
Þorgrímur er fyrstur til að lýsa því yfir opinberlega að hann ætli að bjóða sig fram. Nöfn Stefáns Jóns Hafsteins, Ómars Valdimarssonar, Sturlu Jónssonar og Bergþórs Pálssonar hafa verið nefnd í tengslum við mögulegt forsetaframboð sem og nafn Ólafs Jóhanns Ólafssonar.
Ástæðan fyrir því að fyrirhugað forsetaframboð kemur upp á yfirborðið er fölsk Facebook-síða sem sett var upp í nafni Þorgríms í morgun. Forsetaframbjóðandinn tilvonandi sagðist í samtali við RÚV í dag ekki geta hugsað sér að byrja þessa vegferð sína á því að ljúga að fjölmiðlum - hann hafi því neyðst til að segja satt og rétt frá. „Þetta var ótímabært, ég ætlaði ekkert að tilkynna þetta fyrr en í janúar eða febrúar.“
