Sú dagskrár- og ritstjórnarbreyting hefur verið ákveðin hjá sjónvarpsstöðinni Hringbraut að Þjóðbraut verður framvegis á dagskrá fimm daga vikunnar. Þjóðbraut verður sýnd frá mánudögum til fimmtudaga í viku hverri. Þá verður bein útsending bæði í sjónvarpi og útvarpi alla sunnudagsmorgna klukkan 10-11.30 í umsjá Sigurjóns Magnúsar Egilssonar.
Sigurjón Magnús segir að samfélagsleg umræða verði í fararbroddi, enda sé mikil þörf fyrir umræður í því ölduróti sem nú steðji að Íslandi.
Í þætti kvöldsins verður rætt við Jón Trausta Reynisson á Stundinni, Sunnu Valgerðardóttur á Kjarnanum og Aðalstein Kjartansson hjá Reykjavík Media.
Aðalgestur þáttarins annað kvöld verður Jón Daníelsson prófessor í hagfræði við London School of Economics.
