Það ætla allir að segja upp!

\"All­ir hjúkr­un­ar­fræðing­arn­ir sem eru að vinna með mér á þess­ari vakt ætla að segja upp,“ seg­ir Sesselja Hauk­dal Friðþjófs­dótt­ir, gjör­gæslu­hjúkr­un­ar­fræðing­ur á gjör­gæslu­deild Land­spít­al­ans í Foss­vogi.

Sesselja er í viðtali í Morgunblaðinu í dag og segir þar að sex hjúkr­un­ar­fræðing­ar séu með henni á vakt. Í blaðinu kemur fram að á gjör­gæslu­deild og vökn­un í Foss­vogi starfi hátt í 60 hjúkr­un­ar­fræðing­ar og seg­ir Sesselja „mjög marga“ þeirra íhuga upp­sögn. Er stór hluti þeirra nú þegar kom­inn með starfs­leyfi í útlöndum, til að mynda í Nor­egi og Dan­mörku.

Sjálf er Sesselja með 30 ára starfs­reynslu í þrem­ur lönd­um og seg­ir hún aðspurð við blaðamann Morgunblaðsins að starf gjör­gæslu­hjúkr­un­ar­fræðings krefjist gíf­ur­legr­ar sérþekk­ing­ar enda sinni þeir veik­ustu sjúk­ling­um lands­ins. „Það tek­ur viðkom­andi starfs­mann mörg ár að ná færni í að vinna með vél­ar á borð við önd­un­ar- og nýrna­vél­ar. Það er svo margt sem fólk lær­ir með ár­un­um og auk­inni reynslu. Ný­út­skrifaðir hjúkr­un­ar­fræðing­ar, sem ekki eru bún­ir að sér­mennta sig, hafa ekki þá reynslu sem nauðsyn­leg er,“ seg­ir Sesselja við blaðið og bæt­ir við að það sé grafal­var­legt þegar svo stór hluti hjúkr­un­ar­fræðinga íhugi eða hafi þegar ákveðið að segja upp.