Telur Sigurð Inga hafa til­kynnt út­farar­dag Fram­sóknar­flokksins

Vil­hjálmur Birgis­son, for­maður Verka­lýðs­fé­lags Akra­ness, segir Fram­sóknar­flokkinn stefna í glötun verði vilji formannsins, Sigurðs Inga Jóhanns­sonar, að veru­leika. Sigurður viðraði ný­lega þá hug­mynd að öllum launa­hækkunum yrði frestað um eitt ár vegna Co­vid-kreppunnar.

Út­farar­dagur innan seilingar

„Ég tel að með þessari vanga­veltu formanns fram­sóknar­flokksins um að fresta öllum launa­hækkunum um eitt ár hafi hann verið að til­kynna um leið út­farar­dag fram­sóknar­flokksins,“ skrifar Vil­hjálmur á Face­book síðu sinni. Út­farar­dagurinn yrði 25. septem­ber á næsta ári þegar gengið verður til kosninga.

Vil­hjálmur telur það vera af og frá að fresta 24 þúsund króna launa­hækkun til verka­fólks um ár, það væri fá­sinna.

Blóm og kransar af­þakkaðir

„Þá væri hægt að segja að blóm og kransar á út­farar­degi fram­sóknar séu af­þakkaðir, en þeir sem vilja minnast flokksins er bent á að hægt er að styrkja verka­fólk á lág­marks­töxtum,“ í­trekar verka­lýðs­leið­toginn.

„Ég reyndar tel ein­sýnt að þessi hug­mynd hafi klár­lega verðið rædd við ríkis­stjórnar­borðið, enda frá­leitt að for­maður fram­sóknar viðri svona hug­mynd án þess að fleiri séu henni sam­mála,“ bætir Vil­hjálmur við.

„Það kemur ekki til greina að launa­hækkanir verka­fólks verði teknar í burtu með laga­setningu.“