Í fréttatilkynningu kemur fram að Íbúðalánasjóður hefur ákveðið hverjir hljóta 1.800 milljónir í stofnframlög frá sjóðnum til byggingar svokallaðra leiguheimila.
Þetta eru framlög ríkissjóðs vegan bygginga og kaupa á einum 370 leiguíbúðum víða um land.
Eru íbúðir fyrir námsmenn að þessu sinni í meirihluta.
Á árunum 2016-2022 er áætlað að úthlutað verði framlögum úr ríkissjóði vegna 3.200 íbúða.
Nú er talið að það vanti níu þúsund íbúðir inn á markaðinn. Hér er því verið að bregðast við erfiðu ástandi á húsnæðismarkaðnum.
Leiguheimilin gagnast þeim sem verðhækkanirnar bitna harðast á.
Ríkissjóður og sveitarfélög legg sitt að mörkum til þessara framkvæmda og mun þetta gerbreyta húsnæðismarkaðnum fyrir þá sem verst standa.
