Sveinn andri og og þorsteinn skiptastjórar yfir búi wow

Í gær eftir hádegi var WOW a­ir úrskurðað gjald­þrota í Hér­aðs­dómi Reykja­víkur. Hæsta­rétt­ar­lög­menn­irnir Sveinn Andri Sveins­son og Þor­steinn Ein­ars­son hafa verið skip­aðir skipta­stjórar yfir þrota­bú­i flugfélagsins. Kjarninn greindi frá.

Vaninn er að aðeins einn skipta­stjóri sé skipaður yfir þrotabúi en að þessu sinni voru tveir skip­aðir vegna stærðar félags­ins.

Sveinn Andri sagði í samtali við Mbl.is í gær það vera næsta skref í mál­efn­um hins gjaldþrota fé­lags að birta inn­köll­un til kröfu­hafa og að skipta­stjór­ar myndu vinna í gærkvöld og fram á nótt og ráða ráðum sín­um. Farið verður í fyrstu aðgerðir í dag.

„Fyrst og fremst er verk­efni okk­ar að kanna fjár­hags­stöðu fé­lags­ins, hvaða eign­ir eru og loka öll­um end­um, samn­ing­um o.fl.,“ segir hann.

„Það er ljóst að þetta fé­lag á hvorki fast­eign­ir né flug­vél­ar, það ligg­ur fyr­ir, en hjá fé­lagi sem er í um­fangs­mikl­um rekstri eru alltaf ein­hverj­ir fjár­mun­ir, en það er okk­ar verk­efni að fara yfir það,“ bætir Sveinn Andri við. Hann segir að skuldastaða félagsins eigi eft­ir að skýr­ast end­an­lega þegar kröf­um hafi verið lýst.