Að minnsta kosti einn boðaður forsetaframbjóðandi er hættur við framboð vegna ákvörðunar Ólafs Ragnars að bjóða sig fram í 6. skipti til forseta þrátt fyrir fyrri yfirlýsingar um hið gagnstæða.
Guðmundur Franklín er hættur við framboð og segist styðja Ólaf.
Fyrr í dag birti Hringbraut frétt þar sem haft er eftir Guðna Th. í grein sem hann skrifaði að sitjandi forseti sigri alltaf sem verður að teljast innlegg í að Guðni hætti við að bjóða sig fram.
Þó eru til þeir frambjóðendur sem segja að ákvörðun Ólafs skerpi baráttuna og hvetji þá áfram. Þeirra á meðal er Andri Snær Magnason. Í viðtali við mbl.is segir hann að ákvörðun Ólafs breyti engu.
„Þetta gerir valið um kynslóðaskiptin áhugaverðari og skýrari og umboðið skýrara líka. Þannig að ég held að þetta sé jákvætt og þegar ég bauð mig fram bjóst ég við allskonar óvæntum uppákomum. Ég held að enginn geti skipulagt næstu tvo mánuði út frá einni breytu til eða frá,“ segir Andri Snær í samtali við mbl.is
