Samkvæmt veðurspá Veðurstofunnar verður sunnan- og suðaustanátt, fimm til þrettán sekúndu, með morgninum og víða rigning eða súld, einkum síðdegis. Hiti verður á bilinu þrjú til tíu stig og hlýjast austanlands, sem fyrr segir.
Á morgun verður austlæg átt, þrír til tíu metrar á sekúndu, og víða væta en lengst af þurrt fyrir norðan. Það bætir í vind á Vestfjörðum annað kvöld. Austast á landinu kólnar heldur en annars staðar hlýnar.
Veðurfræðingur á vakt segir að það stefni í sæmilegasta veður á morgun, frekar austlæga átt og áfram nokkra vætu, einkum sunnan- og austantil. Úrkomulítið veður verður fyrir norðan þar til annað kvöld. Samkvæmt veðurpistli býður komandi vinnuvika upp á nokkrar lægðir með vætu í flestum landshlutum og austlægri eða breytilegri vindátt. Stíf og svöl norðaustanátt gæti náð inn á Vestfirði um miðja viku og haft þar áhrif fram að helgi.
