Styrmir Gunnarsson, samfélagsrýnir og fyrrverandi ritstjóri Morgunblaðsins, telur nauðsynlegt fyrir Ísland að losa sig við leifar frá dönsku konungshirðinni.
Hann veltir upp spurningum um stefnur og gengi flokkanna fyrir kosningar í grein sinni í Morgunblaðinu.
Óþægilegt bil á Gamla Íslandi
Segir hann óþægilegt bil milli kjörinna fulltrúa og almennra borgara.
„Um leið og einstaklingur er kominn á þing telur hann sig ekki lengur eiga erindi við fólkið í landinu fyrr en nálgast næstu kosningar. Frá þessu eru undantekningar en þær eru fáar. Það væri gagnlegt að þingmenn ræddu þetta í kosningabaráttunni og útskýrðu þetta frá sínu sjónarmiði.“
Telur hann þetta leifar frá „gamla Íslandi“ sem voru influttar frá stettaskipta þjóðfélaginu í Evrópu. „Þegar háttsettir embættismenn töldu sig yfir aðra hafna.“
Er nú kominn tími til fyrir Íslendinga að losa sig við þessar leifar sem eigi ekkert erindi hingað, segir Styrmir. Sömuleiðis sé forsetaembættið leifar af þessu gamla Íslandi sem ætti að leggja niður að hans mati.
„Það er beinlínis hlægilegt að það skuli hafa verið fluttir inn til Bessastaða hirðsiðir frá dönsku konungshirðinni!“
