Rex Tillerson utanríkisráðherra Bandaríkjanna segir það skipta öllu máli að NATO ríkin öll séu þátttakendur í þeim hópi 68 ríkja sem taka þátt í stríðinu gegn hryðjuverkum. Þetta stríð er hugtak sem er notað yfir hernað og aðgerðir sem svar við hryðjuverkaárásunum á Bandaríkin hinn 11. september árið 2001.
Stjórnvöld í Bandaríkjnum hafa allar götur frá árasunum árið 2001 sagt að með þessum aðgerðum sé reynt að koma í veg fyrir frekari hryðjuverkaárásir og útrýma alþjóðlegum hryðjuverkasamtökum eins og Al-Kaída og DAESH. Stríðið gegn hryðjuverkum er umdeilt og finnst þeim sem gagnrýna stríðið það notað til að réttlæta brot á alþjóðalögum.
Á NATO ríkisoddvitafundinum sem er að hefjast í Brussel er sagt að Donald J Trump forseti Bandaríkjnna muni gera um það kröfu að öll NATO ríkin taki þátt í aðgerðurnm gegn DAESH. Forsetinn hefur sagt að NATO mistakist í stríðinu gegn hryðjuverkum. Úr því megi bæta.
Hvort svo forsetinn sættist á að NATO segi þetta pólitíska aðgerð og algjörlega formlega þátttöku NATO ríkjanna eftir smekk hvers og eins ríkis á eftir að koma í ljós.
Áður hefur Ísland tekið þátt í afvopnun Íraks en það var með samstarfi Íslands við bandalag hinna viljugu þjóða sem árið 2003 gerðu innrás í Írak.
rtá
