Stormur er skollinn á Stórhöfða í Vestmannaeyjum. Samkvæmt upplýsingum frá Veðurstofu Íslands bendir allt til að fárviðrisspáin þar sem vindstykur mun ná fellibylsstyrk gangi eftir.
Siglingum Herjólfs hefur verið aflýst, enda vindstyrkur kominn upp í 19 metra á sekúndu sunnan landsins. Vindstyrkur gæti farið yfir 50 metra í hviðum og eftir því sem líður á daginn verður hvergi á landinu útivistar- hvað þá ferðaveður.
Minnt skal á vefinn vedur.is auk þess sem Hringbraut og helstu fréttavefir munu segja tíðindi og vara við eftir því sem óveðrinu vindur fram.
