Stór­fynd­ið at­vik í sánu: „Sveigð­i sig eins og rækj­u og tromm­að­i á mag­ann á sér“

Matar­bloggarinn Harpa Krist­bergs­dóttir, sem heldur úti síðunni Eld­húsatlasinn, lenti í heldur betur hlægi­legu at­viki í ræktinni sem hún sagði frá á Face­book-hópnum Meðal Jón/ína.

Harpa var stödd í sánunni þegar hún sá virðu­lega konu koma fram á sund­bolnum einum fata. Konan varð ekki vör við Hörpu og þar sem hún taldi sig eina vera eina gerði hún nokkuð sem vakti upp stór augu Hörpu:

„Hún horfði í kringum sig og full­vissaði sig um að enginn væri að horfa, sveigði sig eins og rækju og trommaði á magann á sér - Salt­kjöt og baunir! Tú­kall! - rétti svo úr sér og labbaði út í pottinn,“ skrifar Harpa.

Hún lýsir at­vikinu sem stór­kost­legu og segist hafa liðið eins dýra­at­ferlis­fræðingnum góð­kunna David Atten­bor­ough:

„Al­gjör­lega grun­laus um að þarna stóð ég og fylgdist með eins og David Atten­bor­ough, brosandi út í annað. Meyr til augnanna. Vitandi að ég varð vitni að ein­hverju stór­kost­legu.“

Færsla Hörpu hefur vakið mikil við­brögð og þegar hafa nærri 200 manns „líkað“ við hana.