Samkvæmt nýjustu ársreikningum skuldar Framsóknarflokkurinn skuldaði rúmar 250 milljónir í árslok 2014 og átti eignir upp á tæplega 200 milljónir. Eigið fé Sjálfstæðisflokksins er líka mikið til bundið í eignum. Flokkurinn skuldaði samkvæmt ársreikningi 2014 tæpar 410 milljónir króna en eignirnar verðmetnar á tæpar 770 milljónir.
Sunna Valgerðardóttir, blaðamaður á Kjarnanum fór yfir úttekt sína í viðtali á Hringbraut en Kjarninn hefur birt upplýsingar um fjárhag stjórnmálaflokkanna sem eiga fulltrúa á þingi, auk Viðreisnar. Óðum styttist í kosningar, ári fyrr en áætlað var. Þó að engin dagsetning sé komin enn, þá búast flestir við því að kosið verið til Alþingis í október eða nóvember. Ekki fengust svör um fjárhaginn frá Samfylkingu eða Framsóknarflokki og Sjálfstæðisflokkur og Björt framtíð vildu ekki gefa upp nákvæma fjárhagsstöðu. Nýjustu ársreikningar eru frá 2014 og miðað við þá eru skuldir sumra flokkanna verulegar.
Sunna segir að flestir flokkar hafi ætlað að nýta árið 2016 til þess að greiða niður skuldir og safna pening fyrir kosningabaráttuna 2017. Næsta víst er því að kosningar fyrr, nú í haust muni verða flokkunum dýrkeypt eða þeim sem skulda mest.
Píratar vel stæðir
Píratar eru þó vel stæðir, eiga rúmar 17 milljónir króna og skulda ekkert. Í ársreikningi 2014 kemur fram að Sjálfstæðisflokkurinn skuldi tæpar 410 milljónir króna, eignir nema hins vegar tæpum 770 milljónum.
Úr herbúðum Vinstri grænna fást þær upplýsingar að árið 2013 hafi verið meira en 40 milljóna króna halli, en ári síðar 2014 hafi orðið afgangur upp á 18 milljónir. Flokkurinn skuldar þó rúmar þrjár milljónir vegna fasteignar á Akureyri .
Samkvæmt Valgerði Pálsdóttur, framkvæmdastjóra Bjartrar framtíðar er flokkurinn skuldlaus en til standi að leigja húsnæði í sumar. Sunna segir að nánari upplýsingar fáist ekki frá flokknum. Í ársreikningi frá 2014, sést þó að Björt framtíð skuldaði þá rúmar 5 milljónir króna.
Mikið fé bundið í eignum
Samkvæmt ársreikningum frá 2014 átti Samfylkingin um 166 milljónir í árslok 2014 og skuldaði rúmlega 120 milljónir. Eigið fé var 44 milljónir. Framsóknarflokkurinn skuldaði rúmar 250 milljónir í árslok 2014 og átti tæpar 200 milljónir í eignum. Eigið fé var neikvætt um tæpar 60 milljónir.
