Steingrímur Ari Arason hefur verið forstjóri Sjúkratrygginga Íslands síðan í nóvember 2008 en velferðarráðuneytið auglýsir nú laust til umsóknar embættið. Steingrímur Ari hefur verið forstjóri stofnunarinnar frá stofnun, en skipunartíminn er til fimm ára í senn.
Skipunartími forstjóra rennur út í lok október á þessu ári.
Sjúkratryggingar Íslands starfa samkvæmt lögum um sjúkratryggingar sem tóku gildi þann 1. október 2008. Stofnunin heyrir undir heilbrigðisráðherra og annast framkvæmd sjúkratrygginga. Jafnframt semur hún um og greiðir fyrir heilbrigðisþjónustu.
Mikla athygli vakti þegar Steingrímur Ari Arason, sem þá var framkvæmdastjóri Lánasjóðs íslenskra námsmanna og fyrrum aðstoðarmaður fjármálaráðherra, sagði sig úr framkvæmdanefnd um einkavæðingu árið 2002. Hann hafði setið í einkavæðingarnefnd bankana frá því að hún var sett fomlega á laggirnar í ársbyrjun 1992. Hann var tilnefndur í nefndina af þáverandi fjármálaráðherra, Friðriki Sophussyni.
