Sænska stórfyrirtækið Arla hefur markaðssett eigin framleiðslu á skyri víða í Evrópu síðustu mánuði.Íslenskur framleiðendur ætla að krefjast þess að þeir fái ekki að nota nafni skyr á framaleiðslu sína.
Fyrirtækið hefur kostað miklu til í markaðssetningu, t.d. í Bretlandi og Þýskalandi, og höfðað til íslensks uppruna skyrsins með margvíslegu myndefni frá Íslandi, að því er fram kemur í umfjöllun um mál þetta í Morgunblaðinu í dag.
Í Noregi og Finnlandi er skyr skrásett sem vörumerki í eigu Mjólkursamsölunnar og samstarfsaðila. Lögbannsbeiðni verður lögð fram í Helsinki á mánudag þess efnis að Arla fái ekki að nota heitið skyr á framleiðslu sína þar í landi. Skyrinu hefur verið einstaklega vel tekið í Fimnlandi.
Fram kemur í Morgunblaðinu í dag að áætlað er að hefja sölu á skyri framleiddu á Íslandi á Írlandi í september og um miðjan október í Bretlandi. Innflutningskvóti MS á á skyri til landa ESB er upp á 390 tonn og verður hann nýttur í þessu skyni, en var áður nýttur í Finnlandi. Þar er ársneyslan nú yfir fimm þúsund tonn og er skyrið framleitt í Danmörku samkvæmt samningi Mjólkusamsölunnar og dansks mjólkurbús.
