Lesendur DV kusu Mann ársins og niðurstaðan var mjög afgerandi. Maður ársins 2018 er Stefán Karl Stefánsson og hlaut hann 72,38 prósent atkvæða. Næst á eftir honum kom Bára Halldórsdóttir, aktívistinn að baki Klaustursupptökunum frægu sem vörpuðu ljósi á fordómafulla og niðrandi orðræðu sex þingmanna á barnum Klaustri. Hún hún hlaut 5,79 prósent atkvæða. Rétt á eftir Báru var Guðmundur Fylkisson lögreglumaður, sem hefur helgað starf sitt leitinni að týndu börnunum. Hann hlaut 5,21 prósent atkvæða.
